Wednesday 7 December 2016

కొడవలి - ఒరవడి

మారే బ్రతుకులు మారని మనుషులు
మట్టిని అమ్మి మాయని చల్లి
రంగులు మార్చే తీరును నేర్చి
మాటతొ  ముంచి మోటుగ తెంచి

మహిమని చెప్పి పిచ్చిని పామి
వాతలు తేల్చి  రాతను మాపి
కోతలు కోసి కోరలు చూపి
మనిషని చూడక కత్తులు దింపి

రక్తము కారాగ దాహములాపి
మనిషే చావగ మాంసము మరిగి
చీల్చిన  బ్రతుకును నెత్తిన మోసి
వచ్చే వాసన పక్కకు నెట్టి

ముక్కులు మూసి ప్రక్కలు త్రొక్కి
పిచ్చి కుక్కలా ఫోజులు కొట్టి
వెర్రివేషాలతో వెంపర్లాడే
మదమెక్కిన కక్కుర్తి జీవుల తనువులు నరికే

ఆ కొడవలి కావలి నీ స్త్థెర్యం ... నీ  ఒరవడి కావలి జాతికి మార్గం

వస్తున్నావని ఆశిస్తూ  ... కడ  తెరుస్తావని ఎదురు చూస్తూ ...

-క మ ర