నవ్వుల కలలు కలసికట్టిన ఘడియలు
మనసున మాటలు మరల చెప్పిన ఊసులు
ఎన్నెన్నో సంగతులు
మరెన్నో తలపులు
వెండికుంచెతో గీచిన స్నేహ చిత్రం
వ్యధల కూడికను వదులు చేసింది
నేనున్నానన్న ఆత్మీయత
నవ్వును జీవితాన మొలకలెత్తించింది
హాయి హాయిగా జారిన స్మృతులు
మనసున నింపెను ప్రేమ అలలు
వేచి చూచిన మధురఘడియలు
ప్రతిక్షణము పులకింపజేయఁగ
చల్లని గాలుల చక్కిలిగింతలపై
మైమరిచి అనుభవించితిని
"నీ వెన్నెల స్నేహం "
