Monday, 15 May 2017

ఏ మనిషి చరిత్ర చూసినా


ఏ మనిషి చరిత్ర చూసినా ఏమున్నది గర్వకారణం
ప్రతి వాడి గోడు సమస్తం పర పీడన, ఆలసత్వం


ఏడుపులు పెడ బొబ్బలనడుమన చిరునవ్వులు
నలిగే నరముల మధ్యన  మందుల ముచ్చట్లు
వెనుక చూచినా పరుల దుమ్మే
ముందు చూచినా  పరుల ఉమ్మే

నచ్చక మనసొప్పక
జీవనమే తలతిక్కని
తప్పించేవాడెవడని
పనులను పక్కకి పెట్టి

తనులను మరపున పట్టి
తెగ పీకి ఇరగతీద్దామని
ఇక తీరా ఆరా  తీస్తే
అసలు సొట్ట తెలిసింది

జబ్బు నా యందు జాడ్యమని
నాకున్న బుర్ర వాడనని
వాడెవడో పెడతాడని  వీడెవడో పొడుస్తాడని
అర్రులు చాచి బ్రతుకుతున్నానని


బుద్ధి మాంద్యము వదిలే దాకా
సుత్తి దెబ్బలు  మోహమునేసుకుని
కంపు చరిత్రను తగులబెట్టి
తెల్ల కాగితము చేత బట్టి

నన్ను నమ్ముకుని  శాయశక్తుల
వడలు వంచితె అన్ని వేళలా ...

మారబోదా  బురద రంగు
వదిలి పోదా మకిలి నన్ను
తెలవారెను హృదయమందు
దరికి చేరేను  జీవితంబు

--క మ ర

"మనో వాంఛా ఫల సిద్దిరస్తు"


"గద్దె కొరకే గాడిది కొడుకులు గత్తర లేపురు రా" అన్నదొక మేటి యాంకర్
"వీడా నాకొడుకని గాడిద ఏడ్చెన్" అన్నాడొక మహా కవి


ఒక తల్లి పడే బాధ నిజంగా తెలిసిన వాడెవడూ తప్పులు చెయ్యడు
తెలిసి చేసేవాడు తన కొడుకు అని భరించలేక "గాదిద కొడకా"
అన్న పదం కనిపెట్టిన మాతృమూర్తికి నా నమస్కారం.

చెప్పు దెబ్బలు తిన్నా
ఆ దుమ్ముని ఫేషియల్ గా పూసుకుని
ఆ కంపులో ముక్కు మూసుకుని ఇంకొన్ని ఎదవ పనులు చేసే
ఆ జీకేలకు నా ఆశీర్వాదం

"మనో వాంఛా ఫల సిద్దిరస్తు"
మీ మెదడులో మీ గురించి కూడా మంచి రాదు
సో ఆశీర్వాదం వర్కౌట్ అవుతుంది.

అవతల వాడిని ఏడిపించి ఏడిపించి
నిన్ను నువ్వు కూడా ఏడిపించుకుంటూ
నీ వాళ్ళను ఏడిపిస్తూ
బతుకుతున్న దిక్కుమాలిన జీకేలకు
ధాత్రిభ్రంశ  యోగం కలగాలని కోరుకుంటూ....!!!

క.మ.ర.