వెన్నెల స్నేహం

నవ్వుల కలలు కలసికట్టిన ఘడియలు 

మనసున మాటలు మరల చెప్పిన ఊసులు 

ఎన్నెన్నో సంగతులు 

మరెన్నో తలపులు 

వెండికుంచెతో గీచిన స్నేహ చిత్రం 

వ్యధల కూడికను వదులు చేసింది 

నేనున్నానన్న ఆత్మీయత 

నవ్వును జీవితాన మొలకలెత్తించింది 

హాయి హాయిగా జారిన స్మృతులు 

మనసున నింపెను ప్రేమ అలలు 

వేచి చూచిన మధురఘడియలు 

ప్రతిక్షణము పులకింపజేయఁగ 

చల్లని గాలుల చక్కిలిగింతలపై 

మైమరిచి అనుభవించితిని 

      "నీ వెన్నెల స్నేహం "           

తెలివి దివిటి

ఊహతెలిసిన తర్వాత వెతికి వెతికి చూసాను
అమ్మ కొంగనుకొని భ్రమపడి ఏడ్చాను

పరిగెత్తి పరిగెత్తి నాన్న వేలి కోసం
అర్రులు చాచి అలసిపోయాను

అమ్మానాన్న ప్రేమ లేని ఎదవ జీవితం
ఎందుకని పారేయబోతే  వెర్రి స్నేహమొకటి వెనక్కి లాగింది

ఉండదన్న అనుమానం కొండంత ఉన్న
ఉంటేబావుందన్న ఆశ ఊరు దాటింది

చెయ్యివేసి నడిచిన స్నేహం చెయ్యి నరికిన వేళ
చెప్పుదెబ్బల మోము రక్తమోడింది

ప్రేమ అంటూ సాకిన ప్రణయ బంధం
బ్రతుకు ముచ్చట్లతో వేదనాపింది

తెల్లవారుతందని తలచేడంతలో
మరొక బ్రతుకు  బాగుందని మరలిపోయింది

కొడుకు "లాగ " అని చెప్పే లంజకొడుకులందరూ
కోసుకు తిని వదిలేసిపోయారు

తల్లిని అని చెప్పే పుణ్యమాతలెందరో
చాటున మాటేసి వాడేసుకున్నారు

తప్పెవడిది కాదని ఎరుక వచ్చినాక
పిచ్చ నా కొడుకునై మిగిలిపోయాను

మొదలు అంతములు ఒకటే కాగా
మధ్య తీరిన దూల మాడబెట్టింది

దొరకదన్న బాధ దిగమింగి బాగా
లేదన్న రంగు పూసుకున్నాను

ప్రేమ అన్న మాట పూడ్చిపెట్టి
ప్రేమస్వరూపులకు పాడె కట్టాను

బ్రతుకు ఒంటరిదని బుర్ర వెలిగి
తెలివి దివిటి చేతబట్టి   బ్రతకనేర్చాను

-క మ ర