మలినము మాడ్చాలి దీపావళి

అరమరికలు లేని అలవాట్లు చేసుకుని
దాపరికములు లేని  జీవనశైలి నేర్చుకుని
మనసును మాటగా
మంచి మాట మనసుగా మారాలని

బుద్ధి మాలిన మనకు మనమే తెలువాలని
నీతిలేక మనము నీరసపోతున్నామని
అందరు అంతే అని సర్దుకుపోతున్నామని
మనకి మనమే నచ్చకుండా పోతున్నామని

తెలిసి తెలిసి బ్రతికేస్తే బ్రతుకు తెలియకపోతామని
ఇకనైనా మామాసు మాటలువిందామని
మనకు మనం తెలుసుకుందామని
మంచి కోసం ముందుకెడదామని

మీతో నేనున్నాననీ ...

తెలుపుతూ  తెలుసుకుంటూ

ఈ దీపాల ఆవలి  మన  మలినం మాడ్చాలని కోరుకుంటూ.

-క మ ర 

నువ్వు చెయ్యలేని మోసము

రంగు  కాగితము కప్పినా రంకు  తనము 

బాగ దాచిపెట్టినా బొంకు తనము 

నిజము నిప్పన్న మాట పెడచెవిన  పెట్టినా 

నీయందు  నిప్పు నిజము నిజము 

నిదురలో  నిను వలుచు 

కలలలో  కడతేర్చు 

లేచి ఉన్నంత వరకు మరచేల మభ్యపెట్టు 

తరగనిదా దూరము 

మరపు రానిదా రూపము 

అద్దమందు నిను చూడనివ్వదు 

నీనుంచి  నిను దాటి పోనియ్యదు 

నీవన్న నిప్పు నిను కాల్చ సాగును 

తలపులమ్మట  తల బద్దలయ్యేను 

కపాల  మోక్షమని పైకి బొంకేవు 

నీ పాపాలకు యమపాశ దెబ్బని తెలిసి ఏడ్చేవు 

చచ్చినాక నిను కాల్చ అగ్గి సిగ్గుపడేను 

నీ అస్థికలు కలుపగా జలము తల్లి ఏడ్చేను  

నీ కుళ్ళు కంపు  మోయ వాయువే వాలేను 

నిను నేను కనలేదని పుడమి అబద్ధమాడేను 

నిను తన కింద చూచి గగనమే చీలేను 

పంచ భూతములను ఏడిపించిన పిచ్చనా కొడుకువై  నీకు నీవు తెలిసి చచ్చేవు