తెలివి దివిటి

ఊహతెలిసిన తర్వాత వెతికి వెతికి చూసాను
అమ్మ కొంగనుకొని భ్రమపడి ఏడ్చాను

పరిగెత్తి పరిగెత్తి నాన్న వేలి కోసం
అర్రులు చాచి అలసిపోయాను

అమ్మానాన్న ప్రేమ లేని ఎదవ జీవితం
ఎందుకని పారేయబోతే  వెర్రి స్నేహమొకటి వెనక్కి లాగింది

ఉండదన్న అనుమానం కొండంత ఉన్న
ఉంటేబావుందన్న ఆశ ఊరు దాటింది

చెయ్యివేసి నడిచిన స్నేహం చెయ్యి నరికిన వేళ
చెప్పుదెబ్బల మోము రక్తమోడింది

ప్రేమ అంటూ సాకిన ప్రణయ బంధం
బ్రతుకు ముచ్చట్లతో వేదనాపింది

తెల్లవారుతందని తలచేడంతలో
మరొక బ్రతుకు  బాగుందని మరలిపోయింది

కొడుకు "లాగ " అని చెప్పే లంజకొడుకులందరూ
కోసుకు తిని వదిలేసిపోయారు

తల్లిని అని చెప్పే పుణ్యమాతలెందరో
చాటున మాటేసి వాడేసుకున్నారు

తప్పెవడిది కాదని ఎరుక వచ్చినాక
పిచ్చ నా కొడుకునై మిగిలిపోయాను

మొదలు అంతములు ఒకటే కాగా
మధ్య తీరిన దూల మాడబెట్టింది

దొరకదన్న బాధ దిగమింగి బాగా
లేదన్న రంగు పూసుకున్నాను

ప్రేమ అన్న మాట పూడ్చిపెట్టి
ప్రేమస్వరూపులకు పాడె కట్టాను

బ్రతుకు ఒంటరిదని బుర్ర వెలిగి
తెలివి దివిటి చేతబట్టి   బ్రతకనేర్చాను

-క మ ర

మరణ వరం

వ్యధల వధలతో వడిలిపోయిన  వెర్రి మనసు
ముడతల ముసుగులో దాగిన మాసిన మోము
దాక్కుని తిరిగిన వదలని చిత్తము
ఆపుకు  అరిచిన ఆగని దుఃఖము

ఎవడు లేడంటు బుర్రెoత   చెప్పిన
వినని మనసుకిపుడు తాట లేచింది

ఒల్లుకుళ్లబొడిచే అరిగిన ఎముకలు
చేసిన చేష్టల చెప్పు దెబ్బలై
తోసిన తప్పులు తిప్పలు పెట్టగ
నొసటన చెయ్యి మరి మరి బాదగా


మంచిమిత్రులను ముంచిన తీరు
నను నేను చూస్తే ఆగని కన్నీరు
బలమున్నంత వరకు నేనే రాజంటు
బలుపు తీరాక బాధలేనంటూ

ఏడ్పుగొట్టు బ్రతుకయ్యిందని ఏడ్చి ఏడ్చి
మొదటి నుండి ఉన్న ప్రకృతి వంక చూసి
ఎదో ఒకటి చేసి ఈ గురుతు  యాతన తీర్చమని
దీనంగా అర్థించిన కనులకు

పడగలు విప్పి పురులని దాల్చి
వేప మండల గాలులు రేపి
ఎలుగెత్తి ఒక పాటున నింగి విరిచి
ఒసగినది ఈ మరణ వరం

--క మ ర